Trydyddion cyfryngol

Prynir tua 60% o’r holl ynni a ddefnyddir gan fusnesau trwy dryddion cyfryngol a elwir yn frocwyr, ymgynghorwyr, asiantau a chynghorwyr.
Gallant gynnig ystod o wasanaethau, o’ch gwahodd i arwyddo â chyflenwyr penodol, trwy gael dyfynbrisiau, asesu cynigion ac argymell cyflenwr trwy ddarparu cyngor a chefnogaeth barhaus gyda biliau, anghydfodau, adnewyddu cytundebau ac yn y blaen.
Prif fuddion defnyddio trydyddion yw mynediad i sgiliau a gwybodaeth nad sydd o bosibl gennych, a mynediad i fathau arbennig o gytundebau na fydd o bosibl ar gael i chi. Ond gweithio ar eich rhan chi y mae’r trydydd, a dylech wneud yn siwr eich bod yn deall ymlaen llaw yr holl ymrwymiadau a wneir ar eich rhan chi ac yn cytuno iddynt.
Mae trydyddion cyfryngol yn cynnig gwasanaeth pwysig i fusnesau, ond ni chynhwysir eu gweithgareddau yn y rheolaeth o ynni. Gall ansawdd a dibynadwyedd gwasanaethau a ddarperir gan drydyddion amrywio a ni fydd trydydd sydd yn gweithredu’n gyfrifol er eich budd yn gwrthwynebu ichi geisio diogelu’ch ochr chi o’r perthynas fel ag a awgrymir yma. Yn union fel sydd yn wir am eich cyflenwad o ynni, dylech sicrhau eich bod yn deall y telerau a gynigir cyn ichi gytuno, a dylech ystyried cymryd cyngor cyfreithiol arbenigol lle bo angen.
I gael y fargen orau i’ch busnes gan drydyddion cyfryngol, mae golwg ar ynni’n argymell ichi ddilyn y canllawiau cyffredinol hyn:

Galwyr di-rybudd - Os byddwch yn cael galwad di-rybudd gan rywun sydd yn addo arbed arian i chi neu yn bygwth datgysylltiad os na fyddwch yn rhoi manylion dros y ffôn, dylech sylweddoli y gall y galwad ddod o asiantaeth werthu sydd yn cael comisiwn am gael cwsmeriaid newydd i arwyddo. Dylech fod yn ymwybodol o’r ffaith y gall addewidion llafar fod yn ymrwymiadau cyfreithiol, ac nid oes unrhyw reidrwydd arnoch chi i roi unrhyw wybodaeth na chytuno i unrhyw beth nes eich bod yn sicr bod y cynnig yn un dilys ac er eich budd chi.
Mae’r rhan fwyaf o gytundebau cyflenwad busnes am gyfnod sefydlog, fel arfer rhwng blwyddyn a phum mlynedd, ac fel arfer ni chewch adael y cytundeb yn gynnar heb dalu cosb.
“Gwasanaethau yn rhad ac am ddim” - Os bydd y trydydd yn cynnig ei wasanaethau yn rhad ac am ddim neu yn dweud y bydd ffi’n daladwy, yn y pendraw byddwch yn debygol o dalu am ei wasanaethau beth bynnag trwy’r cytundeb cyflenwi.
Addewidion pris - Nid yw prisiau fel arfer yn gysylltiedig yn agos â maint y tanwydd a ddefnyddir, a rhaid dangos unrhyw addewidion o arbed arian a’u cadarnhau yn ysgrifenedig, fel arfer data defnydd go iawn, cyn y gwneir unrhyw ymrwymiadau. Yn yr un modd, nid oes gan addewid i leihau eich taliad debyd uniongyrchol misol ynddo’i hunan ddim i’w wneud â lleihau eich costau ynni.

Dylech ddisgwyl i unrhyw drydydd yr ydych yn ei ddefnyddio sydd yn ddifrifol am gynnig cyngor a gwasanaethau annibynnol i’ch helpu chi i gymharu cynigion ac arwyddo cytundeb fod yn barod i wneud y canlynol:
- deall eich busnes, dangos ei gymwysterau a phrofiad sydd yn berthnasol i’ch amgylchiadau, argymell yr ateb iawn ar gyfer eich anghenion busnes a rhoi ichi enwau canolwyr y gallwch ofyn iddynt am eu barn ohono.
- nodi’n ysgrifenedig amrediad y gwasanaethau sydd i’w darparu a sail unrhyw daliadau sydd i’w gwneud gennych chi.
- datgelu pob ffynhonell taliad a buddion eraill sydd i’w derbyn o dan y cytundeb am gael eich busnes – os ydych chi’n talu a’r trydydd hefyd yn cael comisiwn gan y cyflenwyr, dylech benderfynu a ydyw hyn yn rhesymol ai peidio.
- rhoi argymhelliad ysgrifenedig o ba gynnig i’w derbyn, y rhesymau am unrhyw benderfyniad i beidio â gofyn i gyflenwyr penodol i dendro, cymhariaeth â chynigion eraill a aseswyd ac amlinelliad o’r peryglon a’r costau’n gysylltiedig â’r math o gytundeb a argymhellir, gan gynnwys cyfnod y cytundeb, y cyfnod o rybudd angenrheidiol am derfynu, unrhyw dâl am derfynu’n gynnar a’r potensial am unrhyw daliadau diwedd cytundeb e.e. ar gyfer gorddefnydd neu ddefnydd isel.
  
  datgelu hunaniaeth y cyflenwyr a ddewisir a pheidio â chyfyngu’ch rhyddid i gysylltu â’r cyflenwyr yn uniongyrchol
- caniatáu ichi derfynu’r perthynas unrhyw bryd, gan roi rhybudd rhesymol, os na fyddwch yn hapus â’r gwasanaethau a ddarperir.
- rhoi’r hawl ichi weld anfoneb y cyflenwyr ar gais, fel y bydd modd ichi sicrhau y credydir eich taliadau yn erbyn eich defnydd a bod yn ymwybodol o unrhyw daliadau comisiwn neu ostyngiadau.