Ymdrin â golwg ar ynni

Mae gan olwg ar ynni dîm o gynghorwyr defnyddwyr arbenigol wedi eu neilltuo i gynnig gwasanaeth i ddefnyddwyr busnes. Gall y tîm godi cwyn ar eich rhan gyda’ch cyflenwyr, ar yr amod eich bod eisoes wedi codi’r testun â’ch cyflenwyr eich hunan heb gael ymateb boddhaol o fewn cyfnod rhesymol o amser.

Os rhowch gymaint â phosibl o fanylion i ni am amgylchiadau eich cwyn, byddwn yn gallu codi’r mater yn gyflymach gyda’r cwmni.

Bydd golwg ar ynni yn ystyried beth fyddai’n ganlyniad rhesymol i’r defnyddiwr, a bydd yn dilyn unrhyw achos mor bell ag y mae’n credu sydd yn rhesymol. Os na fyddwch yn fodlon â’r canlyniad a gynigir, mae golwg ar ynni’n cadw’r hawl i atal yr archwiliad a chau’r achos.

Nid oes gan olwg ar ynni bwerau gorfodi ar ran defnyddwyr, ond bydd yn gofyn i’r cyflenwyr ymateb i ffeithiau’r achos fel ag a ddarperir, ac fel arfer mae’n llwyddo wrth gael cwmnïau i adnabod a chywiro gwallau.

Nid yw golwg ar ynni’n darparu cyngor cyfreithiol na gwasanaeth cyfryngu. Ni fydd golwg ar ynni yn dilyn achosion lle mae cwsmer busnes

• yn ceisio tynnu allan o ymrwymiad cytundebol a arwyddwyd yn wirfoddol
• am hawlio am golled neu ddifrod canlyniadol neu ariannol
• am osgoi talu am ynni a ddefnyddiwyd yn hysbys

Mae golwg ar ynni’n annog defnyddwyr busnes i ddilyn unrhyw hawliadau o dan gytundebau cyflenwi ynni yn union yr un modd ag y byddent mewn unrhyw drefniant masnachol arall. Nid yw Ofgem, rheoleithwyr y diwydiant, yn awdurdoaethol mwn perthnasau masnachol rhwng cyflenwyr a defnyddwyr ac mae’r cytundebau hyn yn amodol ar ddeddfwriaeth a chyfraith achosion, fel sydd yn wir am unrhyw berthynas masnachol arall. Er y bydd golwg ar ynni’n archwilio hawliadau ac yn trafod â chwmnïau ar ran defnyddwyr, os na fydd hyn yn arwain at ganlyniad boddhaol, ac ymddengys bod yn cwmni’n ddim yn iawn, dylai defnyddwyr busnes fod yn barod i gymryd cyngor cyfreithiol annibynnol a dilyn llwybrau cyfreithiol os oes ganddynt yr adnoddau i wneud hynny.